धनगढी जेसीज वर्ष २०२१ को पदस्थापन तथा पुरस्कार वितरण कार्यक्रम मिती २०७८ साल पौष २३ गते तदनुसार ७ जनवरी २०२२ मा धनगढी स्थित होटल रुबसमा सुदुर पश्चिम प्रदेशका प्रदेश प्रमुख माननिय देवराज जोशीज्यूको प्रमुख आतिथ्यता र धनगढी उपमहानगरपालिका नगर उपप्रमुख सुशिला मिश्र भट्टज्यू को विशिष्ट आतिथ्यता र नेपाल जेसीज वर्ष २०२२ लागि क्षेत्र घ निरुपित राष्ट्रिय कार्यकारीणी उपाध्यक्ष जेसी अनिल बहादुर शाही र राष्ट्रिय उपाध्यक्ष जेसी राम प्रसाद पाण्डेज्यूको उपस्थितीमा सम्पन्न भयको छ ।
कार्यक्रममा धनगढी स्थित विभिन्न संस्थाका प्रमुख तथा प्रतिनिधि , छिमेकी शाखा अध्यक्ष, धनगढी जेसीजका धरोहर पुर्व अध्यक्ष लगायत बोर्ड तथा साधारणज्यूको उपस्थिती रहेको थियो । धनगढी जेसीज वर्ष २०२१ का अध्यक्ष जेसी कमल राज पनेरुज्यूको सभापतित्वमा शुभारम्भ भएको कार्यक्रममा सम्पूर्ण उपस्थित प्रमुख अतिथी, विशिष्ठ अतिथी, अतिथी, राष्ट्रिय पदाधिकारीज्यू हरु लगायत उपस्थित सम्पुर्णलाई धन्यवाद ग्यापन गर्दै धनगढी जेसीज वर्ष २०२२ का अध्यक्ष जेसी भुवन पाण्डेयज्यूले समापन गर्नु भयो ।