कोहलपुर जेसिजद्वारा १९ माघ २०७८ का दिन शाखा पदाधिकारी तालिम सम्पन्न भएको छ । कोहलपुर जेसिजको आयोजनामा सम्पन्न उक्त तालिममा कोहलपुर जेसिज तथा कोहलपुर जुनियर जेसिजका गरि 30 जना पदाधिकारीहरुको सहभागिता रहेको थियो । सहभागीहरुलाइ नेपाल जेसिजका पुर्व कार्यकारीणि उपाध्यक्ष तिर्थ पौडेलले प्रशिक्षण गराउनु भएको थियो । तालीममा सहभागीका तर्फबाट मदन भण्डारी र दिपा अर्यालले आफ्नो अनुभव सुनाएका थिए । तालिमको अन्त्य मा बोल्नु हुँदै प्रशिक्षक पौडेलले कोहलपुर जेसिजले २०२२ मा अघि सारेका परियोजना अति सान्दर्भिक भएको र त्यसलाइ हर तरहबाट सहयोग हुने बताउनु भयो । कोहलपुर जेसिजसग आफू नजिक भएको र तालिम र अन्य गतिविधिमा सहयोग गर्ने उहाँले बताउनु भयो । त्यसै गरि तालिमको समापान गर्दै २०२२ का अध्यक्ष ईश्वर शर्माले कोहलपुर जेसिजलाइ आफ्नो कार्यकालमा दीर्घकालीन योजना बनाएको र त्यसको लागि मिहिनेत का साथ समाजमा प्रभाव पार्ने बताउनु भयो । सहभागी सबैलाइ धन्यवाद दिदै आफ्नो कार्यकालमा महत्त्वका तालिमहरुको आयोजना गर्ने बताउनु भयो ।