शनिबार लम्कीमा लम्की जेसिज को आयोजनामा ७२औ प्रजातन्त्र दिवसको अवसरमा लम्की चौराहामा दिप प्रज्वलन गरी मनाईएको छ । लम्कि जेसिज बर्ष २०२२ का अध्यक्ष जेसि नेत्रप्रसाद जैशीको अध्यक्ष्यतामा भएको कार्यक्रमका प्रमुख अतिथि नेपाल जेसिसका कार्यकारिणी उपाध्यक्ष तथा एरिया डी का लागि निरूपित कार्यकारिणी उपाध्यक्ष जेसि अनिल बहादुर शाहि रहनुभएको थियो ।
प्रमुख अतिथि शाहीले विधिको शासन मान्ने जेसिजले प्रजातान्त्र ल्याउनमा महत्वपुर्ण भुमिका रहेको बताउदै २०४६।४७ सालको आन्दोलनमा समेत जेसिजले प्रजातन्त्रका पक्षमा वकालत गरेको बताउनु भयो ।जहानिया राणा शासनको अन्तयका लागि आफ्नो ज्यानको आहुति दिने सम्पुर्ण सहिद हरुलाई सम्झदै उनिहरुले गरेको बलिदानीका कारण नेपालमा लोकतन्त्र आएको बताउनुभयो ।
कार्यक्रममा लम्कि जेसिजका पुर्व अध्यक्ष तथा नेपाल जेसिजका पूर्व राष्ट्रिय उपाध्यक्ष खडानन्द सापकोटा र राम बहादुर बोगटी पुर्व अध्यक्ष जुगराम चौधरी लम्कि लेडि जेसिजका पुर्व अध्यक्ष ईशारा थापा लम्कि जेसिजका अध्यक्ष शान्ति चन्द, लम्कि बहुमुखि क्यापसका स्ववियू सभापति ललित जैशी, नेपाली कंग्रेस वडा नम्बर १ का वडा सभापति प्रयागराज खनाल र लम्कि जेसिज र लम्कि लेडी जेसिजका पदाधिकारीहरुको उल्लेख्य सहभागिता रहेको थियो ।
लम्कि जेसिज वर्ष २०२२ का कार्यकारिणी उपाध्यक्ष जेसि ममता रावल ज्यूले स्वागत गर्नुभएको कार्यक्रमको सन्चालन लम्कि जेसिजका महासचिब जेसि भरत खनालले गर्नुभएको थियो ।