विश्व साइकल यात्री पुष्कर शाहलाई चारआली जेसिजले सम्मान गरेको छ ।
जेसिजले बुधबार आइतमाया थेबे स्मृति प्रतिष्ठानको ११औं वार्षिक साधारणसभा तथा आइतमाया थेवेको ९७ औं जन्मजयन्तीका अवसरमा आयोजित कार्यक्रममा शाहलाई सम्मान गरेको हो । साथै शाहलाई आइतमाया थेबे स्मृति प्रतिष्ठानले सम्मान पत्रसहित नगद एघार हजार १११ रुपैयाँले सम्मानित गरेको थियो ।
सगरमाथा आरोहीसमेत रहेका शाहलाई चारआली जेसिजका अध्यक्ष विरबहादुर बेघा ‘विरु’ले सम्मान पत्रसहित सम्मान गरेका थिए ।
उक्त सम्मान कार्यक्रममा चारआली जेसिज वर्ष २०१९ का अध्यक्ष उत्तमप्रसाद पकुवाल, उपाध्यक्ष नेत्रप्रसाद मिश्र र महासचिव सुजुप सुवेदी लगायतको उपस्थिति रहेको थियो ।