सन् १९९८ मा स्थापित लेखनाथ जेसीजले लेखनाथ जेसीज तथा अन्य सामाजिक संघ सस्थाहरुका लागि समेत बहुउपयोगी हुने किसिमको बैठक तथा तालिम कक्ष निर्माणका लागी सचिवालय निर्माण कार्य शुभारम्भ गरेको र उ्रक्त निर्माण कार्यलाई पूर्णता दिई यस क्षेत्रमा रहेका विभिन्न संघ–संस्था, टोल सुधार समिति, आमा समूह, युवा क्लब, विद्यालयहरु लगायतलाई यस सुविधा सम्पन्न तालिम हलको पूर्ण फाईदा लिनका लागी आवश्यक आर्थिक संकलन कार्यका लागी जेसीज नाइट –२०७८ आयोजना गरिएको थियो । यस कार्यले सुविधा सम्पन्न तालिम हल निर्माण मात्र नभई स्थानिय कलाकारहरुको क्षमता अभिवृद्धि गर्ने र यस क्षेत्रमा व्यापार, व्यवसाय तथा सञ्चालित उद्योगहरुको प्रचार प्रसारमा टेवा पु¥याई उनीहरुको व्यवसायीक प्रवद्र्धन गर्ने उद्वेश्यका साथ आयोजना गरिएको थियो । मिति २०७८ चैत्र ९ गते बुधवारका दिन भएको कार्यक्रम राष्ट्रिय ख्याती प्राप्त कलाकारहरुको लाईभ प्रस्तुतीमा जेसीज नाईट–२०७८ पोखरा महानगरपालिका वडा नं.२७ मा रहेको महोत्सव स्थलमा सम्पन्न गरेको छ । दिपक ब्रजाचार्य एण्ड द रिदम ब्याण्डको लाईभ प्रस्तुतीमा सम्पन्न भएको कार्यक्रममा गायककार छेवाङ लामाले आफ्ना गित प्रस्तुत गरी कार्यक्रमलाई थप रौनकता थप्नुभएको थियो । साथमा एलिना रायमाझीले चर्चित गितहरुमा आफ्नो नृत्य प्रस्तुत गरेकी थिईन् । जेसीज नाईट २०७८ को मुख्य प्रायोजकमा पोखरा इन्टरनेट प्रा.लि. रहेको थियो भने सह–प्रायोजकमा टुबोर्ग वियर र रोयल स्ट्याग रहेका थिए । लेखनाथ जेसीजले आयोजना गरेको यस कार्यक्रममा लेखनाथ उद्योग वाणिज्य संघले विशेष सहयोग गरेको थियो ।