बेनी, २० जेठ । म्याग्दी जेसीजकाे आयाेजनामा बेनी र बेनी नगरपालिका–३ भकिम्लीमा बिहिबारदेखि उद्घोषण तथा भाषणकला तालिम शुरु भएको छ । जेसीज सप्ताह अन्तर्गत एक पटक म्याग्दी जेसीजले बेनीमा र भकिम्लीमा तालिम सुरु गरेकाे हाे । बेनी नगरपालिका वडा नम्बर ३ को आर्थिक सहयोग र म्याग्दी जेसिजसँगको सहकार्यमा प्रगतिशिल दलित मञ्चले आयोजना गरेको तालिमको वडा सदस्य रत्नबहादुर जिसीले उद्घाटन गर्नुभयो ।
कार्यक्रम, बैठक, भेला र औपचारिक कार्यक्रम सञ्चालनका विषयमा सैद्धान्तिक र व्यवहारिक ज्ञान सिप प्रदान गर्नुका साथै नेतृत्व र क्षमता विकास गर्न तालिम प्रदान गरिएकाे थियाे ।बेनीमा र भकिम्तीलीमा सुरु भएकाे तालिममा नेपाल पत्रकार महासंघ म्याग्दीका सचिव सन्तोष गौतम, म्याग्दी जेसिजका पुर्व अध्यक्ष विनय श्रेष्ठ, बागलुङ जेसिजका पुर्व अध्यक्ष सुदिप राजभण्डारी र सञ्चारकर्मी वादल शाहीले सहजिकरण गर्नुहुने जनाइएको छ ।