आज मिति २०७९/३/६ गते सोमबारका दिन शाखा अध्यक्ष जेसि शारदा घर्ती ज्युको अध्यक्षतामा, रक्त सन्चार सेवा केन्द्रका इन्चार्ज दिलिप न्यौपाने ज्युको प्रमुख आतिथ्यता तथा लेखक संघ दाङका कोषाध्यक्ष एवं साहित्यकार सन्ध्या रेग्मी ज्युको विशिष्ट आतिथ्यतामा मानवताको सेवा नै जिवनको सर्वोत्तम कार्य हो भन्ने जेसिज आस्था लाइ मनन गर्दै सर्प्ताह अन्तर्गतको तेस्रो दिन 'रक्तदान कार्यक्रम' रक्तसञ्चार सेवा केन्द्र घोराही दाङमा सम्पन्न गरियो।
कार्यक्रम सम्योजक जेसि भिमा डि सी ज्युको स्वागत मन्तव्य रहेको कार्यक्रममा आस्था पाठ उपाध्यक्ष जेसी लछ्मि घमालले गर्नुभएको थियो भने व्यानर वाचन गरेर प्रमुख अतिथी ज्युले कार्यक्रमको समुद्घाटन गर्नुभएको थियो। सप्ताह अन्तर्गतको कार्यक्रमका बारेमा मुल सम्योजक जेसि वसन्ती सुवेदीले जानकारी गराउँनु भएको थियो।
कार्यक्रममा पुर्व अध्यक्ष जेसी विमला शर्मा,मातृसाखा त्रिभुवन नगर जेसिजका कार्यवाहक अध्यक्ष जेसी महेश गुप्ता, सस्थापक अध्यक्ष लगायतले मन्तव्य दिनुभएको थियो। कानुनी सल्लाहकार जेसि अनिता ढकालले धन्यवाद मन्तव्य दिनुभएको थियो भने २० जना सहभागी रहेको कार्यक्रममा १४ जनाले रक्तदान गर्नुभएको थियो। कार्यक्रमको सहजीकरण महासचिव जेसी नारायणी भण्डारीले गर्नु भएको थियो।