आज मिति २०७९/३/७ गते मंगलबारका दिन शाखा अध्यक्ष जेसि शारदा घर्ती ज्युको अध्यक्षतामा सनातन धर्म रक्षा गर्न सन्चालित गोरखनाथ वैदिक गुरुकुलका अध्यक्ष जोगी देवनाथ ज्युको प्रमुख आतिथ्यता तथा वैदिक गुरुकुलका व्यवस्थापक प्रकाश भट्टराई ज्युको विशिष्ट आतिथ्यतामा गोरखनाथ वैदिक गुरुकुल घोराही १७ चौघेरा दाङमा सप्ताह अन्तर्गतको चौथो दिनको कार्यक्रम 'बालबालिकालाइ सहयोग ' कार्यक्रम सम्पन्न गरियो। दाङ महिला जेसिज का एन जि ओ आइ एन जि ओ सम्योजक जेसि निमा सुनारले आस्था पाठ गर्नु भएको कार्यक्रममा सम्योजक जेसि सङ्गिता रोकाय ज्युले स्वागत मन्तव्य दिनुभएको थियो। कार्यक्रममा गोरखनाथ वैदिक गुरुकुलका बटुकहरुले स्वस्ति वाचन गरि कार्यक्रमको समुद्घाटन गरिएको थियो।
मुल सम्योजक जेसि वसन्ती सुवेदीले साप्ताहिक कार्यक्रमको बारेमा जानकारी गराउँनु भएको थियो। कार्यक्रममा reinstalling hope program coordinator लछ्मण विष्ट, दाङ महिला जेसिजका पुर्व अध्यक्ष जेसी विन्दु गिरि,मातृसाखा त्रिभुवन नगर जेसिजका शाखा अध्यक्ष जेसि विवेक आचार्य लगायतले मन्तव्य दिनुभएको थियो।
कार्यक्रममा दाल,चिनि,भेली,नुन,तेल,आलु,मसला, स्टेशनरी लगायतका आवश्यकीय सामाग्रीहरू सहयोग गरिएको थियो।४० जनाको सहभागिता रहेको कार्यक्रममा धन्यवाद मन्तव्य उपाध्यक्ष जेसी लछ्मि घमालले गर्नुभएको थियो भने सहजीकरण महासचिव नारायणी भण्डारीले गर्नु भएको थियो।