बर्दघाट जेसीजले श्रावण महिनाको सोमबारको अवसर पारेर बर्दघाट नगरपालिका वडा नं. ४ मा रहेको नर्मदेश्वर महादेवको मन्दिरमा कुर्ची हस्तान्तरण गरेको छ ।
मन्दिरमा आउने तिर्थालु भक्तजनहरुलाई बस्न सहज होस् भन्ने हेतुले कुर्सी वितरण गरेको बर्दघाट जेसीजका अध्यक्ष जेसी दिनेश न्यौपानेले जनाउनुभयो । यस अघि पनि ईलाका प्रहरी कार्यालय बर्दघाट लाई कुर्सी हस्तान्तरण गरेको बर्दघाट जेसीजले लगत्तै आवश्यक अन्य स्थानहरमा समेत यस कार्यक्रमलाई लैजाने जनाएको छ ।