जेसिज सप्ताह : पाचौ दिन आँखा शिविर कार्यक्रम सम्पन्न
९ साउन, कोहलपुर/ कोहलपुर जेसिजको जेसिज सप्ताह अन्तर्गत आज पाचौ दिन आँखा शिविर कार्यक्रम सम्पन्न भएको छ ।
कोहलपुर नगरपालिका वडा नं ५, रझेना स्थित सिद्धार्थ माध्यामिक विद्यलयमा आँखा शिविर कार्यक्रम गरिएको हो ।
कोहलपुर जेसीजको आयोजनामा कोहलपुर नेत्रालयाको प्राबिधिक सहयोगमा संचालित आँखा शिविर कार्यक्रममा विद्यालयको कक्षा ७,८,९ र १० का १०१ जना छात्र छात्राहरुको आखाको चेकजाँच गरिएको कोहलुर जेसिज २०२२ का अध्यक्ष ईश्वर शर्माले जानकारी दिए ।
पछिल्लो समय बालबालिकाहरु मोबाइल, टिभी लगाएतका प्रबिधिको प्रयोग सगै आखामा आउने विभिन्न समस्या न्यूनीकरणको लागि आँखा शिविर सञ्चालन गरिएको शर्माले बताए ।
कार्यक्रमको प्रमुख अतिथी सिद्धार्थ माबिका प्रधानाध्यापक रन्जना राना रहेकी थिइन् भने कार्यक्रममा नेपालगन्ज जेसिजका अध्यक्ष जेसी चिरञ्जीवी शर्मा, नेपाल जेसिजका राष्ट्रिय उपाध्यक्ष जेसी राम प्रसाद पाण्डे लगाएतकाको सहभागिता रहेको थियो । आखा शिविर कार्यक्रममा कोहलपुर जेसिज र जुनियर जेसिज तथा बिधालयका शिक्षकहरुको सहभागिता रहेको कार्यक्रम संयोजक जेसी मदन भण्डारीले जानकारी दिनुभयो थियो ।