माघ २३ । बाह्रदशी जेसीजले एक कार्यक्रम विच सामुदायिक विद्यालयलाई चार थान डस्टविन हस्तान्तरण गरेको छ ।
बाह्रदशी जेसीज वर्ष २०२३ का अध्यक्ष जेसी लक्ष्मी प्रसाद उप्रतीको सभापतित्व, गौरिशंकर मा वि, बाह्रदशी ७ का प्रधानाध्यापक लेखनाथ कटुवालको प्रमुख आतिथ्यता, सोही विद्यालयका सह-प्रधानाध्यापकद्वय तुलाराम निरौला, हेम प्रसाद राजवंशी र बाह्रदशी जेसीजका संस्थापक अध्यक्ष जेसी विगम श्रेष्ठको आतिथ्यतामा गौरिशंकर मा वि लाई बाह्रदशी जेसीजका कार्यकारिणी उपाध्यक्ष जेसी तिर्थ प्रसाद काफ्लेको जन्म दिनको उपलक्ष्यमा डस्टविन हस्तान्तरण गरिएको हो ।
गौरिशंकर मा वि को प्राङ्गणमा उपाध्यक्ष जेसी संजय शाह कार्यक्रम संयोजक रहेको सो कार्यक्रममा स्वागत मन्तव्य कार्यकारिणी उपाध्यक्ष जेसी प्रकाश फुयेलले र जेसीज आस्था उपाध्यक्ष जेसी विश्वास गौतमले राखेको कार्यक्रमको संचालन महासचिव जेसी खगेन्द्र सुवेदीले गरेका थिए ।