राजविराज जेसीजको आयोजनामा जेसीज सप्ताह २०२३ अन्तर्गत चौथौ दिन
अर्थात् मिति २०७९ माघ २९ गते बिहान ८ बजे
महेन्द्र विन्देश्वरी कलेज, राजविराजमा स्नातक तहमा अध्यनरत छात्र तथा छात्राहरूलाई जेसीज अभिमुखिकरण कार्यक्रम सम्पन्न गरेको छ । राजविराज जेसिज वर्ष २०२३ का अध्यक्ष जेसी उज्ज्वल काबराको अध्यक्षतामा सम्पन्न भएको उक्त कार्यक्रममा राजविराज जेसीज वर्ष २०२३ का महासचिव जेसी रवि राय, कानुनी सल्लाहार जेसी विप्लव आनन्द र कोषाध्यक्ष जेसी पंकज देवले विद्यार्थीहरूलाई जेसीज अभियान, जेसीजको परिचय र जेसीजले उनीहरूको नेतृत्व तथा वयक्तित्व विकासमा अहम योगदान दिन सक्ने जानकारी गराएका थिए । लगभग १ घन्टासम्म चलेको कार्यक्रममा ६० जना विद्यार्थीहरूको उपस्थिति रहेको थियो। कार्यक्रमको समापन भएपछि विद्यार्थीहरूले यस्ता कार्यक्रमले थप हौसला र सकारात्मक ऊर्जा दिने अभिव्यक्ति दिएका थिए । राजविराज जेसीजले विगतको तुलनामा यस वर्ष कार्यक्रम सञ्चालनमा तिव्रता ल्याएको र यसले सङ्गठनमा नयाँ सदस्य थप गर्न मद्दत पुग्ने अध्यक्ष काबराले बताउनु भएको छ।