राजविराज जेसीज र मारवाडी महिला मञ्च, राजविराजको संयुक्त आयोजनामा राजविराज नगरपालिका वडा नंं. ७ स्थित शिव मन्दिर प्राङ्गणमा हिन्दूहरूको महान चाँड महाशिवरात्रीको अवसरमा श्रद्धालु भक्तजनहरूलाई निशुल्क पञ्चामृत र बेलपत्र वितरण गरिएको छ । प्रत्येक वर्ष महाशिवरात्रीको दिन राजविराज जेसीजले यो कार्यक्रम आयोजना गर्दै आएको छ । एकाविहानै देखि भक्तजनहरूलाई पूजा गर्न सहज होस् भन्ने अभिप्रायले दुवै संस्थाका पदाधिकारीहरू पूजा सामग्री वितरण स्टलमा मुस्तैद भएर भक्तालुहरूलाई स्वागत गर्न आतुर रहेका थिए । विहान ६ बजेदेखि अपराह्न १ बजेसम्म चलेको उक्त पूजा सामग्री वितरण कार्यक्रमबाट लगभग १ हजारभन्दा बढी श्रद्धालुहरू लाभान्वित भएको तथ्याङ्क बुझिन आएको छ ।
कार्यक्रमलाई सफल बनाउन सबैको साझा योगदान रहेको र यसले सामाजिक सामञ्जस्यता र सद्भाव कायम गर्ने मारवाडी महिला मञ्च राजविराजकी अध्यक्ष शारदा काबराले बताउनु भइन् भने राजविराज जेसीजका कोषाध्यक्ष जेसी पंकज कुमार देवले समाजको सबै क्षेत्रमा जेसीजको पहिचान र राजविराज जेसीजले यस वर्ष गरिरहेको प्रयासलाई यस्ता कायक्रमलाई टेवा पुग्ने मन्तव्य राखेका छन् ।