राजविराज जेसीजले मिति २०७९ साल फागुन २० गते तदनुसार सन् २०२३ मार्च ४ तारिकका दिन बिहान ९:०० बजे राजविराज जेसीज भवनको प्राङ्गणमा "होली मिलन समारोह" कार्यक्रम सम्पन्न गरेको छ । कार्यक्रमको सञ्चालन तथा व्यवस्थापनको भूमिका राजविराज जेसीज वर्ष २०२३ का उपाध्यक्ष जेसी किरण कुमार साहले गरेका थिए । होली मिलन कार्यक्रममा राजविराज जेसीजको वर्तमान पदाधिकारी समितिका सदस्य, साधारण सदस्य, राजविराज जेसीजका पूर्व अध्यक्षहरू तथा गोलबजार जेसीज वर्ष २०२३ की अध्यक्ष आशा साहको उपस्थिति रहेको थियो । कार्यक्रममा आलैपालो सबै उपस्थित जेसी मनहरूले आफ्नो मन्तव्य राखेका थिए । राजविराज जेसीजको विगत, वर्तमान र भविष्य अझै सुन्दर र उत्कृष्ट बनाउनको निमित्त समाजमा जेसीजको पहुँचलाई लिएर जाने निर्णय सहितको अन्तरक्रिया कार्यक्रम समाप्तिपछि जेसीज मनहरूले रङ्ग अबीर खेलेर होली नृत्यको कार्यक्रम सुरु भएको थियो । कार्यक्रम समापन हुनुभन्दा अगावै जेसीजद्वारा व्यवस्थापन गरिएको मिथिला खाजा तथा सफ्ट ड्रिङ्क खाएर सबैजना विदाइ भएका थिए ।