बुधबारे जेसिजको दीर्घकालीन कार्यक्रम अन्तर्गतको "जेसी विनोद रिजालको जन्मदिन खास दिन कार्यक्रम" श्री नव किरण आधारभूत विद्यालयक वुद्धशान्ति ३ का विद्यार्थीलाई शैक्षिक सामग्री वितरण गरिएको छ ।
बुधबारे जेसिजका कार्यकारिणी उपाध्यक्ष विनोद रिजाल र उहाँकी फस्ट लेडी सुष्मा राई रिजालको जन्मदिनको अवसरमा बुद्धशान्ति -३ स्थिति श्री नव किरण आधारभूत विद्यालयको विद्यार्थीहरुलाई शैक्षिक सामग्री वितरण गरिएको थियो ।
विद्यालयको सभाहलमा विनोद रिजालको संयोजनमा भएको कार्यक्रममा बुधबारे जेसिजका वर्तमान अध्यक्ष अर्जुन ढकालको सभापतित्व, विद्यालय व्यवस्थापन समिति अध्यक्ष खगेन्द्र आचार्यको प्रमुख आतिथ्य, बुधबारे जेसिज पूर्वअध्यक्ष नन्दकुमार याफु राई, बुधबारे जेसिज संस्थापक कार्यकारीणी उपाध्यक्ष मनेश दाहाल, विद्यालयका प्रधानाध्यापक खेमराज कट्टेलको विशिष्ट आतिथ्य लगायत जेसिजका सदस्य, विद्यालयका शिक्षक, विद्यार्थीको उपस्थिती रहेको थियो ।
जेसी अनिल घिमिरेले जेसिज आस्था वाचन गरेको कार्यक्रममा संयोजक विनोद रिजालले कार्यक्रमको औचित्य प्रकाश पारेका थिए ।
महासचिव कुसल अधिकारीले सञ्चालन गरेको कार्यक्रममा अतिथिहरुले शुभकामना मन्तव्य राखेका थिए । कार्यक्रममा शैक्षिक सामग्री विद्यालयलाई हस्तान्तरण गरिएको थियो ।