पाल्पा जेसीज वर्ष २०२४ को पहिलो बोर्ड बैठक बुधबार सम्पन्न भएको छ । शाखा अध्यक्ष अर्जुन कार्कीको अध्यक्षतामा बसेको बैठकले विभिन्न एजेण्डा पास गरेको छ ।
बैठकले वार्षिक कार्यक्रमका लागि योजना तय गरेको छ । बैठकले बिशेष गरि जेसिजले काम गर्ने चार क्षेत्रको पदाधिकारीहरुलाई बिभाजन गरेको छ, जस अन्तर्गत ब्यक्तिगत र अन्तर्राष्ट्रिय क्षेत्र कार्यकारिणी उपाध्यक्ष जेसि महेश खनाललाई , सामुदायिक र ब्यवसायिक क्षेत्र कार्यकारिणी उपाध्यक्ष जेसी गणेश पन्थीलाई, उपाध्यक्ष तर्फ ब्यक्तिगत क्षेत्र जेसी बिक्रम सिंह , सामुदायिक क्षेत्र जेसी कला दाहाल, ब्यवसायिक क्षेत्र जेसी मुकेश जिसि र अन्तर्राष्ट्रिय क्षेत्र जेसी सतिश राज शाक्य लाई क्षेत्र बिभाजन गरिएको छ। साथै जेसि सुवर्णमुनि शाक्यको संयोजकत्वमा ९ सदस्य शाखा सल्लाहकार समिति चयन गरेको छ । बैठकले बर्ष भरी नेपाल जेसीजको र शाखाको प्रकरणमा केन्द्रित रहेर कार्यक्रम गर्ने गरि कार्ययोजनामा समाबेश भाबी कार्यक्रमहरुको लागि कार्यक्रम संयोजकहरु तय गरेको महासचिब बिजय कार्कीले जानकारी दिनुभयो ।
सो बैठक मा रेशुङ्गा गुल्मी जेसिजका कार्यकारीणि उपाध्यक्ष पुण्य प्रसाद सुवेदी लगायत पूर्व अध्यक्षहरुको सहभागिता रहेको थियो। जेसिज वर्ष २०२४ लाई नेतृत्व र ब्याक्तित्व विकास गर्ने विभिन्न रचनात्मक कार्यक्रम गरि शाखालाई क्रियाशिल गराइराख्ने अध्यक्ष कार्कीले बताउनुभयो ।