"
वालिङ जेसीजको प्रथम बोर्ड बैठक तथा शहिद दिवसकाे अवसरमा दीप प्रज्वलन सम्पन्न "
वालिङ्, माघ १६
वालिङ जेसीज वर्ष २०२४ ले पदाधिकारीहरूकाे प्रथम बोर्ड बैठक तथा शहिद दिवसको अवसरमा दीप प्रज्वलन कार्यक्रम मंगलबार वालिङमा सम्पन्न गरेको छ। वालिङ जेसीजकाे सचिवालय वालिङमा वर्ष २०२४ का अध्यक्ष जेसी यज्ञ पुरुष रिजालको अध्यक्षतामा भएको बैठकमा जेसीज पदाधिकारीहरूको विशेष जिम्मेवारी सहित मनाेनयन, जेसीज वर्ष २०२३ का अध्यक्ष तथा २०२४ का आइपीपी जेसी मणिप्रसाद अर्याललाई जेसीज वर्ष २०२५ कालागि वालिङको तर्फबाट जे सि आई नेपालकाे राष्ट्रिय उपाध्यक्षमा उम्मेदवार पदको घाेषणा भएको थियो भने वालिङ जेसीजका आगामी याेजना तथा कार्यक्रमहरू विस्तार गर्ने लगायतका विषयहरूमा छलफल भएको थियो।त्यसैगरी वालिङ जेसीज वर्ष २०२४ का उपाध्यक्ष जेसी हरि रेग्मी जेसी अफ द मन्थ अफ जनवरीबाट सम्मानित हुनुभएको थियो । सो लगत्तै वालिङ मोडमा गण्डकी प्रदेश ऊर्जा, जलस्रोत तथा खानेपानी मन्त्री सरस्वती तिवारी अर्यालको प्रमुख आतिथ्यतामा नेपालका अमर शहीदहरूको सम्झनामा दीप प्रज्वलन सहित १ मिनेट मौनधारण गरिएको थियो । कार्यक्रममा वालिङ जेसीजका पूर्व अध्यक्षहरू, राजनितीकर्मी, समाजसेवी, पत्रकार, जेसीज पदाधिकारीहरू, व्यापारी, स्थानियहरू लगायतका महानुभावहरूको उल्लेख उपस्थिति रहेको थियाे । सो कार्यक्रममा वालिङ जेसीजका का अध्यक्ष जेसी यज्ञ पुरुष रिजालले शहिद दिवसको महत्वमाथि प्रकाश पार्नुभएको थियो भने कार्यक्रमको सञ्चालन वालिङ जेसीजका सचिव रेशम रेग्मीले गर्नुभएको थियो । उक्त कार्यक्रमकाे संयाेजन वालिङ जेसीजका कार्यकारिणी उपाध्यक्ष जेसी करूणा काफ्लेले गर्नुभएको थियो ।