"वालिङ जेसीजकाे दाेस्राे कार्यकारिणी बैठक सम्पन्न"
वालिङ , फाल्गुन ७ गते ।
वालिङ जेसीजले यही फाल्गुन ७ गते प्रजातन्त्र दिवसका अवसरमा दाेस्राे कार्यकारिणी बैठक सम्पन्न गरेको छ।वालिङ जेसीज वर्ष २०२४ का अध्यक्ष जेसी यज्ञ पुरूष रिजालकाे अध्यक्षतामा बसेकाे बैठकले शाखा पदाधिकारी तालिम ,नारी दिवसका अवसरमा नारी सम्मान कार्यक्रम , पूर्व अध्यक्षहरूसंग " Interaction with Past President" , क्यालेन्डर प्रकाशन, लगायत विभिन्न विषयहरूमा छलफल गरेको हाे। कार्यकारिणी उपाध्यक्ष जेसी करूणा काफ्लेले स्वागत मन्तव्य , उपाध्यक्ष जेसी शुशिला पाण्डेकाे अगुवाइमा जेसीज आस्थापाठ तथा काेषाध्यक्ष जेसी एकनारायण काेइराला( उत्तम) ले जेसीज मिसन/ भिजन वाचन गर्नुभएको थियोे । प्रजातन्त्रकाे लागि ज्यानको आहुती दिनुभएकाहरूकाे सम्झना स्वरूप माैन धारण गरिएको थियो भने निवर्तमान अध्यक्ष जेसी मणि प्रसाद अर्यालले सम्पूर्णमा धन्यवाद ज्ञापन गर्नुभएको थियो । साथै भर्खरै नेपाल जेसीज वर्ष २०२४ का लागि " IT chairperson मा जेसी मणि प्रसाद अर्याल र Advisor to BOD मा पूर्व अध्यक्ष जेसी हाेमकान्त गाैतम मनाेनित हुनुभएकाेमा बधाई तथा शुभकामना व्यक्त गरिएको थियो ।