मिति २०८० साल माघ २७ गते शनिवारका दिन कमलनगर जेसीजको आयोजनामा लोम अफिसर तालिम कार्यक्रम सम्पन्न भएको छ । कमलनगर जेसीज वर्ष २०२४ का जनसम्पर्क अधिकारी जेसी मनिशा कठायत ज्युको संयोजकत्व, वर्ष २०२४ का अध्यक्ष जेसी देवी प्रसाद दाहाल ज्युको अध्यक्षतामा नेपाल जेसीज वर्ष २०२४ का राष्ट्रिय उपाध्यक्ष जेसी योगेश राजवंशी ज्युको प्रशिक्षणमा उक्त तालिम कार्यक्रम सम्पन्न भएको हो । कमलनगर जेसीज वर्ष २०२४ का सम्पूर्ण बोर्डका पदाधिकारी ज्युहरुलाई उक्त तालिम प्रदान गरिएको थियो । कार्यक्रमको पहिलो सत्रमा कमलनगर जेसीज वर्ष २०२४ का अध्यक्षीय सल्लाहकार कमलनगर जेसीज वर्ष २०२२ का अध्यक्ष जेसी नारायण बस्नेत ज्युको उपस्थिति रहेको थियो भने समापन सत्रमा कमलनगर जेसीज वर्ष २०२० का अध्यक्ष जेसी हेम दाहाल ज्यु, कमलनगर जेसीजका आजीवन सदस्य ज्युहरुः जेसी उमानाथ भण्डारी ज्यु, जेसी लेखनाथ खतिवडा ज्युको उपस्थिति रहेको थियो । समापन सत्रमा बोल्दै कमलनगर जेसीज वर्ष २०२० का अध्यक्ष जेसी हेम दाहाल ज्युले उक्त लोम अफिसर तालिम मार्फत बोर्डका सम्पूर्ण पदाधिकारी ज्युहरुले आ–आफ्नो काम, कर्तव्य र क्षेत्र पहिचान भई सोहि बमोजिम काम गर्न सजिलो हुने बताउनु भयो । कमलनगर जेसीजको सचिवालयमा भएको उक्त तालिम कार्यक्रम दिनको ठिक १२ः३० बजे देखि सुरु भई दिउँसो ३ः०० बजे समापन भएको थियो ।