म्याग्दी, २० बैशाख । म्याग्दीमा सरसफाईको सन्देश फैलाउन 'फोहोर टिप्ने प्रतियोगिता' गरिएको छ । युवाहरुको नेतृत्व र व्यक्तित्व विकास संगै सामाजिक क्षेत्रमा क्रियाशिल रहेको म्याग्दी जेसीजले शनिवार बेनीमा फोहोर टिप्ने प्रतियोगिता आयोजना गरेको हो ।
दुई÷दुई जना सहभागी २० समूहले सहभागिता जनाएको प्रतियोगितामा सबैभन्दा धेरै फोहोर संकलन गर्ने महारानीथान आमा समूहका सिर्जना शर्मा र मिना जिसी प्रथम हुन सफल हुनभएको छ । त्यसैगरी बिटी सोप समूहका बिनम थजाली र एञ्जल थजालीको समूह द्वितीय र जिल्ला फुटवल संघका प्रजिया कार्की र रिधिमा भट्टचनको समूह तीतृय हुन सफल भएको म्याग्दी जेसीजका सहसचिब गोकुल सुनारले जानकारी दिनुभयो ।
बेनीको कालिपुल बसपार्कदेखि सुरु भएको प्रतियोगितामा निर्धारित ४५ मिनेटको समयमा सबैभन्दा धेरै फोहोर संकलन गर्ने समूहलाई बिजेता घोषणा गरिएको थियो । प्रथम हुने समूहले ४२ दशमलब ७२५ केजी, द्धितीय हुने समूहले ४२ दशमबल ४१५ केजी र तृतीय हुने समूहले ३३ दशमलब ५१५ केजी फोहोर संकलन गरेका थिए ।
कार्यक्रममा नेपाल जेसीजका पूर्व राष्ट्रिय अध्यक्ष धनञ्जयकुमार श्रेष्ठ, शाखा अध्यक्ष विनोद घर्ति क्षेत्रीलगायतले प्रतियोगितामामा प्रथम, द्धितीय र तृतीय हुने समूहलाई आकर्षक गिफ्टका सामाग्री, करुवा र सरसफाई सामाग्री प्रदान गरी पुरस्कृत र सम्मान गर्नुभएको थियो थियो ।सोही अबसरमा बेनी नगरपालिकाका ६ जना सरसफाई कर्मचारीहरुलाई समेत जनही नगद रु १ हजार पाँच सय र ज्याकेट प्रदान गरेर प्रोत्साहन गरिएको छ । 
सरसफाईको सन्देश फैलाउने उदेश्यले आयोजित फोहोर टिप्ने प्रतियोगिताबाट करिब तीन सय केजी फोहोर संकलन गरी व्यवस्थापन गरिएको कार्यक्रम संयोजक देवेन्द्र घिमिरेले जानकारी दिनुभयोकार्यक्रममा नेपाल जेसीजका पूर्व राष्ट्रिय अध्यक्ष श्रेष्ठले फोहोरले समाजमा पारेको नकरात्मक प्रभाब र सरसफाई सम्बन्धी सचेतना फैलाउन प्रतियोगिताले रचनात्मक सन्देश दिएको बताउनुभयो ।
