भीरकोट जेसिजको अायोजनामा नेपालकै प्रमुख पर्यटकीय स्थल स्वरेक मैदानको पूर्ण सरसफाई,होलिमिलन तथा बनभोज कार्यक्रम सम्पन्न भएको छ।
भीरकोट जेसिजका अध्यक्ष जेसि प्रसुन मगरको अध्यक्षता तथा सोही पर्यटकीय स्थल स्वरेक मैदान रहेको वडा,भीरकोट ५ का वडाध्यक्ष श्री याम प्रसाद अधिकारीको प्रमुख अातिथ्यतामा सम्पन्न उक्त कार्यक्रममा नेपाल जेसिजका पूर्व राष्ट्रिय उपाध्यक्ष अमृत अर्याल,भीरकोट जेसिजका संस्थापक अध्यक्ष गुरु प्रसाद गुरुङ ,वालिङ जेसिजका पूर्व अध्यक्षहरु देव बोगटि,राजु तिवारि,भिरकोट जेसिजका पुर्व अध्यक्ष मिना खाँण,अध्यक्षीय सल्लाहकार राजकुमार गुरुङ ,तारा अर्याल लगाएतका वक्ताहरूले शुभकामना मन्तव्य प्रदान गरेका थिए ।
कार्यक्रम संयोजक शिव प्रसाद खनालको स्वागत संगै शुरुवात भएको उक्त कार्यक्रममा अास्था पाठमा सहजीकरण सृजना गौतम तथा धन्यवाद ज्ञापन वर्षा पंगेनिले गरेका थिए ।
वालिङ तथा भीरकोट नगरका ७० जना युवाहरुको सहभागितामा सम्पन्न उक्त कार्यक्रमको सञ्चालन भीरकोट जेसिजका महासचिव जेसि कृष्णप्रसाद पौडेलले गरेका थिए ।