देवघाटधाम जेसीजद्वारा आज मिति २०८१ फागुन २४ गते ,११५ औँ अन्तर्राष्ट्रिय महिला दिवसको अवसरमा आयोजित "सबै महिला तथा बालिकाको लागि: अधिकार ,समानता र सशक्तीकरण " शीर्षकमा छात्रा वक्तृत्वकला प्रतियोगिता सम्पन्न भएको छ। प्रतियोगितामा रामजानकी बालिका आश्रमकी निलम लोककल्याणीले प्रथम, माँ कल्याणी वैदिक कन्या गुरुकुलमकी दुर्गा थापले द्वितीय, रामजानकी वालिका आश्रमकी वैष्णवी लोककल्याणीले तृतीय र कालिका मा वि की दीपिका पौडेलले सान्त्वना स्थान प्राप्त गरेका छन् । उनीहरूलाई नगद पुरस्कारबाट पुरस्कृत गरिएको छ। कार्यक्रम देवघाटधाम जेसीज वर्ष २०२५ का अध्यक्ष जेसी प्रशन्न ढकालको अध्यक्षता, देवघाट गा.पा वडा नं ५ की सदस्य कमला गुरुङको प्रमुख आतिथ्यता, कार्यकारीणी उपाध्यक्ष जेसी रक्षा कार्कीको संयोजकत्वमा र विभिन्न गुरुकुल, विद्यालयका छात्रा, प्रतिनिधि र देवघाटधाम जेसीजका पदाधिकारीहरुको उपस्थितिमा माँ कल्याणी कन्या गुरुकुलम परिसर , देबघाट-५ तनहुँ मा सम्पन्न भएको छ । निर्णायक हरुमा चक्रवर्ती सामाजिक उद्यमी महिला सहकारी संस्था देवघाटकी व्यवस्थापक संगिता ओझा, देवघाट गाउँपालिकाका न्यायिक सहजकर्ता रोशनी पन्त र अम्बर एभरेस्ट इङ्लिस बोर्डिङ स्कुल भरतपुरकी शिक्षिका तथा देवघाटधाम जेसीजकी तालिम आयुक्त जेसी स्वस्तिका धिताल रहनुभएको थियो। कार्यक्रम सञ्चालन देवघाटधाम जेसीज वर्ष २०२५ का महासचिव जेसी अर्जुन सुवेदीले गर्नुभएको थियो।