बुधबारे जेसिज वर्ष २०२४ ले शाखाको पहिलो कार्यक्रम अन्तर्गत माघे संक्रान्ति २०८० को पावन अवसरमा बुद्धशान्ति-४ मा अवस्थित पूर्वकै नमुना पाल्युल देछेन छोइलिङ गुम्बामा विश्व शान्तिको कामना गर्दै १०८ दिप प्रज्पलन गरी सकारात्मक उर्जा प्रवाह हुने विश्वासका साथ उक्त पवित्र भुमिमा अवस्थित गुम्बामा १ महिना सम्म निरन्तर दिप प्रज्वलनको ब्यवस्थापन मिलाउनुको साथै बौद्ध धर्म गुरुहरु सम्मान तथा खाद्यान्न दान कार्यक्रम मिति २०८० माघ १ गते सोमबार ( 15th Jan 2024 सम्पन्न गरेको छ ।
जेसि तिर्थराज तिम्सिनाको संयोजकत्वमा भएको कार्यक्रमको अध्यक्षता वर्ष २०२४ का अध्यक्ष दुर्योधन सिंह राजपुतले गरेका थिए भने धर्मगुरु आचार्य पूर्णको प्रमुख आतिथ्यता, गुम्बा संरक्षक मिन बहादुर थिङ,पूर्व अध्यक्ष हेमन्त बराल,नन्द कुमार याफू राई, अनिल वाग्ले लगायतको आतिथ्यता तथा बुधबारे जेसिजको बोर्डका पदाधिकारी र विभिन्न संयोजकहरु, नयाँ सदस्य लगायतको उपस्थितिमा कार्यक्रम सम्पन्न भएको थियो । महासचिव गजुहाङ योङहाङले संचालन गरेको कार्यक्रममा आस्था पाठ उपाध्यक्ष जेसि अच्युतराज ढकालले गरेका थिए ।
