युवाहरुको व्यक्तित्व र नेतृत्व क्षमतामा अभिवृद्धि गराउने उद्देश्यले लेखनाथ जेसीजद्धारा आफ्ना सदस्यहरुको वाककला परिस्कृत गराउने ध्येय स्वरुप प्रथम शुक्रवारसरिय प्रवचनमाला कार्यक्रम २०७८ माघ २१ गते शुक्रवारका दिन सम्पन्न गरिएको छ । लेखनाथ जेसीज वर्ष २०२२ को शाखा प्रकरण “Make a different” (फरक गरौं) भन्ने प्रकरणमा आयोजना गरिएको प्रथम शुक्रवारसरिय प्रवचनमाला कार्यक्रममा लेखनाथ जेसीज र लेखनाथ जुनियर जेसीजका ९ जना सदस्यहरुले ले सहभागि जनाउनुभएको थियो । सहभागी सदस्यहरुमध्येबाट लेखनाथ जुनियर जेसीजका बृद्धि सभापति जु.जेसी सन्दिप पौडेल उत्कृष्ट ठहरिनुभएको थियो । लेखनाथ जेसीजका अध्यक्ष जेसी सुजन न्यौपानेको अध्यक्षतामा भएको शुक्रवारसरीय कार्यक्रमको प्रमुख निर्णायकमा पूर्व अध्यक्ष जेसी अर्जुन ओझा र निर्णायकमा पूर्ब अध्यक्ष जेसी चिरञ्जीवी न्यौपाने रहनुभएको थियो भने कार्यक्रम सञ्चालन शुक्रवारसरीय कार्यक्रम संयोजक जेसी महेश वाग्लेले संचालन गर्नुभएको थियो ।