बर्दघाट जेसीजले मुसहर बस्तीका किशोरी र महिलाहरुका लागि निशुल्क सेनेटरी प्याड वितरण कार्यक्रम पनि सम्पन्न गरेको छ । बर्दघाट नगरपालिकाको वडा नम्बर ४ शिव स्मृति टोलमा रहेको मुसहर बस्तीका किशोरी तथा महिलाहरुलाई महिनावारी भएका बेला प्याडको प्रयोग सम्बन्धी सचेतना गराउँदै प्याड वितरण गरिएको अध्यक्ष दिनेश न्यौपानेले बताउनुभयो ।
समुदायको आवश्यकताका आधारमा आगामी दिनमा पनि यस्ता कार्यहरुलाई निरन्तरता दिईने उहाँको भनाई रहेको थियो ।
कार्यक्रम बरिष्ठ उपाध्यक्ष सुधा ज्ञवालीको संयोजन तथा शिव स्मृति टोल विकास संस्थाका अध्यक्ष भोजराज विश्वकर्माको प्रमुख आतिथ्यतामा भएको हो । कार्यक्रमको संचालन महासचिव गणेश पाण्डेले गर्नुभएको थियो ।