कोहलपुर, साउन २९,
कोहलपुर नगरपालिकाका नगर प्रमुख पूर्ण प्रसाद आचार्यले नगरपालिकाका योजना, सेवा तथा कार्यक्रमहरुलाई चुस्त दुरुस्त रुपमा संचालन तथा व्यवस्थापन गर्ने प्रतिवद्धता व्यक्त गरेका छन् ।
नगरपालिकाको सहयोग र कोहलपुर जेसिजको सहजिकरणमा आईतबार भएको सार्वजनिक सुनुवाई कार्यक्रममा नगरपालिकाले सम्पादन गरेका सार्वजनिक सेवाको प्रभावकारिताको सम्बन्धमा नागरिकहरुले आफनो गुनासो, प्रतिक्रिया र सुझावहरु राखेका थिए । सार्वजनिक सुनुवाई कार्यक्रम पश्चात उठेका गुनासा प्रतिक्रिया र सुझावहरुलाई सम्बोधन गर्दै नगर प्रमुख आचार्यले विशेष गरी नगरपालिकालाई जवाफदेहिता, पारदर्शितासँगै शुशासनयुक्त नगर कायम राख्ने प्रतिबद्वतता जनाएका हुन् ।
सम्पन्न सार्वजनिक सुनुवाई कार्यक्रममा विशेष गरी सेवाग्राहीले अपाङ्गता भएका व्यक्तिलाई नगरपालिकाले प्रवाह गर्ने सेवा सुविधा, नगर क्षेत्रमा खेलकुदको विकास र नगरपालिकाबाट भएगरेका प्रयासहरु, योजना सम्पन्न नहुँदै भएको भुक्तानी प्रक्रिया, विद्यालय अनुगनका क्रममा शिक्षक, कर्मचारीहरु गैर जिम्मेवार बनेको पाइएकोमा कस्तो दण्ड निर्धारण गर्ने निर्णयमा नगरपालिका पुगेको लगाएत वडातहदेखि गौरवका योजनाहरुको अवस्था र बजेटबारे सेवाग्राहीले प्रश्न राखेका थिए । सेवाग्राहीबाट उठेका प्रश्नको सम्बोधन नगर प्रमुख, नगर उप–प्रमुख, प्रमुख प्रशासकीय अधिकृत र वडा नं. १० का कार्यवहाक अध्यक्ष भीम पौडेलले सम्बोधन गरेका थिए ।
कोहलपुर नगरपालिकाको सेवाको प्रभावकारिता सम्बन्धी सार्वजनिक सुनुवाई सम्पन्न कोहलपुर नगरपालिकाको बेरुजु रकम करिब २४ करोड कोहलपुर नगरपालिकाको बेरुजु रकम बढेर करिब २४ करोड पुगेको छ । कोहलपुर नगरपालिकाले प्रवाह गर्ने सेवाको प्रभावकारिता सम्बन्धी सम्पन्न सार्वजनिक सुनुवाई कार्यक्रममा प्रमुख प्रशासकीय अधिकृत टिकाराम ढकालले कोहलपुर नगरपालिकाको बेरुजु रकमबारे जानकारी गराएका हुन् । महालेख परिक्षकको कार्यालयले सार्वजनिक गरेको प्रतिवेदनमा १८ करोड बढि रकम बेरुजु देखिएकोमा गत आ.ब.मा ५ करोड ३६ लाख रकम बेरुजु शिर्षकमा थप हुँदा नगरपालिकाको बेरुजु रकम बढेर २३ करोड ९९ लाख बढि पुगेको हो ।
कोहलपुर नगरपालिकाको आयोजना एवम् कोहलपुर जेसिजको सहजिकरणमा सम्पन्न सार्वजनिक सुनुवाई कार्यक्रममा बेरुजु रकम बढ्दै गएकोमा चिन्ता व्यक्त गर्दै प्रमुख प्रशासकीय अधिकृत ढकालले चालु आर्थिक वर्ष र आगामी आर्थिक वर्षमा बेरुजु रकम शुन्यतामा झार्न नसकेतापनि बेरुजु रकम नदेखिने गरी कार्यसम्पादन गर्ने प्रतिबद्वता जनाएका छन् ।
