युवाहरुको व्यक्तित्व र नेतृत्व क्षमतामा अभिवृद्धि गराउने उद्देश्यले लेखनाथ जेसीजद्धारा आफ्ना सदस्यहरुको वाककला परिस्कृत गराउने ध्येय स्वरुप प्रथम शुक्रवारसरिय प्रवचनमाला कार्यक्रम २०७५ माघ २५ गते शुक्रवारका दिन सम्पन्न गरिएको छ । लेखनाथ जेसीज वर्ष २०१९ को शाखा प्रकरण Discover the Leader Within you(आफुभित्रको नेतृत्वलाई ऊँजागर गरौँ) भन्ने प्रकरणमा आयोजना गरिएको प्रथम शुक्रवारसरिय प्रवचनमाला कार्यक्रममा सदस्य जेसी नवराज पौडेल, जेसी कृष्ण तिवारी, जेसी चन्द्र प्रकाश ढुङ्गाना, जेसी सञ्जिव न्यौपाने, जेसी मनोज बराल र जेसी मधुसुदन कोइरालले सहभागि जनाउनुभएको थियो । सहभागी सदस्यहरुमध्येबाट जेसी मधुसुदन कोइराला उत्कृष्ट ठहरिनुभएको थियो । लेखनाथ जेसीजका अध्यक्ष जेसी रोशन अधिकारीको अध्यक्षतामा भएको शुक्रवारसरीय कार्यक्रमको प्रमुख निर्णायकमा पूर्व अध्यक्ष श्री ऋषिराम जमरकट्टेल र निर्णायकमा पूर्व अध्यक्ष श्री चित्र भट्टराई सञ्जय रहनुभएको थियो भने कार्यक्रम सञ्चालन शुक्रवारसरीय कार्यक्रम संयोजक जेसी कृष्ण तिवारीले सञ्चालन गर्नुभएको थियो ।