जेसीआई त्रिभुवनगरद्वारा सञ्चालित कोभिड पोजेटिभ विरामीका निःशुल्क औषधि वितरण कार्यक्रम अन्तर्गत सातौं दिन २०७८ जेष्ठ १९ गते घोराही उप–महानगरपालिका वडा नं. ६ मा निःशुल्क औषधि तथा स्वास्थ्य सुरक्षा सामग्री वितरण गरी सम्पन्न गरिएको छ ।
घोराही उपमहानगरपालिका वडा नं. ६, घोराही उप–महानगरपालिकाको स्वास्थ्य शाखा तथा जेसीआई त्रिभुवननगरको सहकार्यमा स्थानीयको एन्टीजेन परीक्षण गरी स्वास्थ्यकर्मीका सिफारिस अनुसार ५९ जनालाई औषधि तथा स्वास्थ्य सुरक्षा सामग्री वितरण गरिएको छ । कार्यक्रममा वडा नं. ६ की सदस्य कुन्ती कुमारी सिजवाल, शहरी स्वास्थ्य केन्द्र फचकपुरका प्रमुख बालाराम शाह, घोराही उप–महानगरपालिकाको स्वास्थ्य शाखा मार्फत स्वास्थ्य घुम्ति सेवाबाट डा. सूवर्ण बुढा, एचए दुर्गा गोराथोकी, तथ्याङ्क सहयाक दुर्गा चौधरी र ल्याव असिस्टेन्ट सुनिता वि.क.को उपस्थिति रहेको थियो ।
जेसीआई त्रिभुवननगरले मिति २०७८ जेष्ठ १२ गतेदेखि कोभिड विरामीका लागि कोभिड इमरजेन्सी रिलिफ फण्डबाट निःशुल्क औषधि वितरण कार्यक्रम शुरु गरेको हो । हालसम्म घोराही उपमहानगरपालिका वडा नं. ५, २, ३, ७, १७, १९, ९, १० र तुलसीपुर उपमहानगरपालिका वडा नं. १३ मा यसअघि नै औषधि तथा स्वास्थ्य चौकीका लागि स्वास्थ्य सुरक्षा सामग्री र औषधि हस्तान्तरण गरिसकेको छ ।