JCI Rajahar 9th Installation and award distribution program

2024-01-16
रजहर जेसिजको ९ औँ पदस्थापन तथा पुरस्कार वितरण कार्यक्रम आज शुक्रबार सम्पन्न भएको छ। जेसी शोभा मुखिया कोइरालाको अध्यक्षता सँगै नेपाल जेसिज वर्ष २०२४ का राष्ट्रिय अध्यक्ष जेसिआइ सिनेटर रविन पोख्रेलको प्रमुख आतिथ्यमा कार्यक्रम सम्पन्न भएको थियो। कार्यक्रमको अवसर पारी जेसिज २०२४ का अध्यक्ष रमेश तिमिल्सेनालाई वर्ष २०२३ का अध्यक्ष शोभा मुखिया कोइरालाले पद हस्तान्तरण गर्दै सफल कार्यकालको शुभकामना व्यक्त गरेको थिइन्। चितवन टाइगर रिसोर्ट पिप्रहरमा भएको कार्यक्रममा जेसिज २०२१ का राष्ट्रिय अध्यक्ष अरुणेश्वर खनाल, जेसिजका राष्ट्रिय उपाध्यक्ष गणेश सापकोटा, रजहर जेसिजका संस्थापक अध्यक्ष सुलोचना कुँवर जि.सी. रजहर जेसिजका पूर्व अध्यक्षहरू राजन गौतम, चित्रध्वज जि।सी, लोकबहादुर कार्की, सन्तोष थापा, गैँडाकोट जेसिजका अध्यक्ष राजेश पौडेल, वडा अध्यक्ष केशवराज गौतम, गिरबहादुर थापा क्षेत्री लगायतको उपस्थिति रहेको थियो । कार्यक्रममा बोल्दै प्रमुख अतिथि पोख्रेलले युवा विदेश पलायन भइ नेपाल युवा विहीन हुन लागेको भन्ने भनाइ गलत रहेको र ठूलो सङ्ख्यामा युवाहरू नेपालमानै रहेकोले अब उत्पादनमुखी क्षेत्रमा लगानी गर्नसके युवा स्वदेशमा नै रहने बताएका थिए। Source:hernepati.com प्रकाशित मिति: शुक्रबार, पुस २०, २०८० १९:२२
JCI News Archive