बुधबारे जेसिजमा आवद्ध नयाँ सदस्यहरुलाई जेसीज अभियानबारे बुझाउन Pre-Induction तालिम संचालन गरेको छ । बुधबारे जेसीज वर्ष २०२४ का अध्यक्ष जेसी दुर्योधन सिंह राजपुत (देव)को अध्यक्षतामा सम्पन्न कार्यक्रममा फोकस पोइन्ट कन्सल्टेन्सी बुधबारेका संचालक विशु भण्डारीको प्रमुख आतिथ्यता रहेको थियो भने बुधबारे जेसीजका पूर्व अध्यक्षहरु जेसी नन्द कुमार याफू राई र सिनेटर मुकेश भट्टराईको विषेश अतिथ्यता रहेको थियो । 
२५ जना सहभागी रहेको सो तालिममा बुधबारे जेसीज वर्ष २०२४ का बोडका पदाधिकारी, पूर्व अध्यक्षहरु तथा सदस्यहरुको सहभागिता रहेको थियो भने तालिमको सहजीकरण गछिया जेसीज वर्ष २०२३ का अध्यक्ष (NLP Trainer, Life Coach) जेसी प्रदिप विष्टले सहजीकरण गरेका थिए ।
बुधबारे जेसीज २०२४ का महासचिव जेसी गजुहाङ योङहाङ तथा उपाध्यक्ष जेसी सुरज दंगालले संचालन गरेको कार्यक्रमा कार्यक्रम संयोजक जेसी अनिल घिमिरेले स्वागत तथा कार्यक्रमको औचित्य माथि प्रकाश पारेका थिए । कार्यक्रमा जेसीज आस्था पाठ कार्यकारी उपाध्यक्ष जेसी कुशल अधिकारीले गरेका थिए भने पूर्व अध्यक्षको तर्फबाट जेसी नन्द कुमार याफू राई तथा प्रमुख अतिथीले शुभकामना मन्तव्य राखेका थिए ।
सहभागी सदस्यहरु, वोडका पदाधिकारी, पूर्वअध्यक्ष, हल उपलब्ध गराउने फोकस पोइन्ट र सहजकर्तालाई धन्यवाद ज्ञापन गर्दै अध्यक्ष दुर्योधन सिंह राजपुत (देव) ले कार्यक्रमको समापन गरे ।
