रत्ननगर जेसिजको आयोजना र रत्ननगर नगरपालिका वडा नं ४को सहयोगमा २ दिने नेतृत्व विकास तालिम सम्पन्न भएको छ।रत्ननगर नगरपालिका वडा नं ४ मा रहेका टोल विकास संंस्थाका पदाधिकारीहरुको उपस्थितिमा वडा नं ४ को सभा हलमा मिति २०८० फाल्गुन १७ र १८ गते तालीम आयोजना गरिएको थियो।कार्यक्रम रत्ननगर जेसिज वर्ष २०२४ का अध्यक्ष जेसी नरहरि पुरीको अध्यक्षता,रत्ननगर नगरपालिका वडा नं ४का अध्यक्ष रामकुमार चौधरीको प्रमुख आतिथ्यता,नेपाल जेसिज रत्ननगर निरुपित उपाध्यक्ष जेसी स्वप्न पौडेल भण्डारीको विशिष्ट आतिथ्यता र वडा नं ४का प्रतिनिधिहरुको आतिथ्यता सहित सम्पन्न भएको थियो।उक्त तालिम कार्यक्रममा रत्ननगर न.पा.सामाजिक विकास अधिकृत विस्वास श्रेष्ठ,नेपाल जेसिजका प्रशिक्षक जगदीशचन्द्र शर्मा र शिवप्रसाद भुसालले नेतृत्व विकासका विविध विषयमा प्रशिक्षण दिनु भएको थियो।कार्यक्रममा वडा नं ४का १५ वटा टोल विकास संस्थाका ४५ जना प्रशिक्षार्थीको सहभागिता रहेको थियो।