मिति २०७९/०२/०२(बिहीबार ) ,बाह्रदशी जेसीजले लागू औषध दुर्व्यसनविरुद्ध विद्यालय सचेतना कार्यक्रम बाह्रदशी गा.पा वडा नं ७ मा अवस्थित गौरीशंकर माध्यमिक विद्यालयमा गर्यो । गौरिशंखर माविका प्र. अ लेखनाथ कटुवाल ज्यू को प्रमुख आथित्य रहेको कार्यक्रम का संयोजक तथा सभापति वर्ष २०२२ का अध्यक्ष जेसी पुष्पलाल धमला हुनुहुन्थ्यो । जेसीज आस्था वाचन जेसी आयुस्मा प्रसाईं ले गर्नुभएको कार्यक्रमलाई स्वागत वर्ष २०२२ का कार्यकारिणी उपाध्यक्ष जेसी लक्ष्मीप्रसाद उप्रेती ज्यूले गर्नुभयो ।
कार्यक्रम का चिफ ट्रेनर तथा चेतना नेपालका अध्यक्ष ईन्द्र प्रसाद ओली ज्यूले सहभागी कक्षा ९ र १० मा अध्ययनरत विद्यार्थीहरुलाइ सहजिकरण गरेर कार्यक्रमलाई प्रभावकारी बनाउनु भयो । उक्त कार्यक्रममा प्र.अ लेखनाथ कटुवाल सरले शुभकामना मन्तव्य दिनुभयो । जेसीज पदाधिकारी, सदस्यहरु, निवर्तमान अध्यक्ष जेसी विगम श्रेष्ठ, विद्यालयका शिक्षकहरु, विद्यार्थीहरु लगाएत १३१ भन्दा बढीको उपस्थिति भएको कार्यक्रमलाई वर्ष २०२२ का महासचिव जेसी टंक बहादुर कार्कीले संचालन गर्नुभयो । कार्यक्रम मा बालकल्ब का अध्यक्ष तथा सचिवले कार्यक्रम बाट धेरै कुराहरू सिकेको जानकारी दिए । सभापति जेसी पुष्पलाल धमला ज्यूले कार्यक्रम समापन गर्नुभयो ।