News भरतपुर, ३० वैशाख ।
नारायणगढ लेडी जेसिज वर्ष २०२३ की शाखा अध्यक्ष जेसी सुस्मिता श्रेष्ठले आफ्नो जन्मदिनमा विद्यार्थीहरूलाई सहयोग उपलब्ध गराएकी छन् । जन्मदिनको अवसर पारेर श्रेष्ठले भरतपुर महानगरपालिका वडा नम्बर १२ मा रहेको मोहन मावि कक्षा-२ मा अध्ययनरत अनु शाह र कक्षा सातमा अध्ययनरत प्रयास गुरुङलाई छात्रवृत्ति, शैक्षिक सामग्री र विद्यालय पोषाक उपलब्ध गराएकी हुन् ।
कार्यक्रममा भरतपुर महानगरपालिका वडा नम्बर- १२ का वडा अध्यक्ष लेखराज पन्त प्रमुख अतिथि रहेका थिए । त्यस्तै विशिष्ट अतिथिमा मातृशाखा नारायणगढ जेसीजका पूर्वअध्यक्ष एवं पूर्व राष्ट्रिय उपाध्यक्ष सिनेटर सुदीप सिंह अधिकारी थिए । अतिथिहरुको रूपमा युवा नेता एवं मोहन माविका अध्यक्ष रविशमसेर थापा, मोहन माविका प्रधानाध्यापक पशुपति घिमिरे, चितवन भेट्रान फुटबल क्लबका अध्यक्ष रवीन्द्र श्रेष्ठ, भेट्रान् फुटबल क्लबका सचिव भरत सुवेदी, नारायणगढ लेडी जेसिजकी पूर्व अध्यक्ष एवं अध्यक्ष सल्लाहकार निरु कार्की,नारायणगढ लेडी जेसिजकि निवर्तमान अध्यक्ष जेसी अनिता श्रेष्ठ अधिकारीको उपस्थिति रहेको थियो ।
शाखा अध्यक्ष श्रेष्ठले उक्त छात्र र छात्राको कक्षा १० सम्मको पढाइलाई सहयोग गर्ने प्रतिबद्धता जनाएकी छन् ।